Farg‘ona viloyati Quva tumanida noqonuniy olib kirilayotgan 42 million so‘mlik televizorlar to‘xtatib qolindi. Bu haqda viloyat bojxona boshqarmasi xabar qildi.
Qayd etilishicha, viloyat bojxona boshqarmasi kontrabandaga qarshi kurashish bo‘limi xodimlari tomonidan oldindan olingan tezkor ma’lumot asosida tadbir o‘tkazilgan. Jarayon davomida Vodil–Farg‘ona–Quva yo‘nalishida harakatlanayotgan fuqaro A.U. boshqaruvidagi Cobalt kuzatuvga olinib, Quva tumani hududida to‘xtab turgan vaqtida belgilangan tartibda xolislar ishtirokida ko‘zdan kechirilgan.
Natijada avtomashina saloni va yukxonasida xorijda ishlab chiqarilgan, bojxona rasmiylashtiruvidan o‘tganini tasdiqlovchi hujjatlari bo‘lmagan, umumiy qiymati 42 million so‘mlik 2 turdagi jami 35 dona televizor borligi aniqlangan.
Mazkur holat yuzasidan bojxona organlari tomonidan tergovga qadar tekshiruv harakatlari olib borilmoqda.
Izoh (0)