Zarbdor tumanida dori vositalarini dorixonadan tashqarida sotish holati aniqlandi.
Bosh prokuratura huzuridagi departamentning Zarbdor tuman bo‘limi tomonidan tezkor tadbir o‘tkazilgan.
Unda fuqaro Sh.A. dori vositalarini dorixonalardan va ularning filiallaridan tashqarida realizatsiya qilish orqali daromad orttirishni ko‘zlab, tegishli hujjatlari bo‘lmagan 6 000 dona “Milkortin” nomli va 100 dona “Moxiflon” nomli dori vositalarini jami 121 mln so‘mga sotgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 186-3-moddasi (dori vositalarini yoki tibbiy buyumlarni dorixonalardan va ularning filiallaridan tashqarida realizatsiya qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)