Farg‘ona viloyati Qo‘qon shahrida 21-iyul kuni fuqaroning Nexia avtomobilida gashish giyohvandlik moddasi borligi ma’lum bo‘ldi. Bu haqda viloyat IIB axborot xizmati xabar berdi.
Qayd etilishicha, shahar IIB TEQKB xodimlari tomonidan o‘tkazilgan tezkor tadbir davomida Farobiy ko‘chasida S.O‘.ning Nexia avtomashinasi xolislar ishtirokida ko‘zdan kechirilgan. Unda fuqaro gashish giyohvandlik moddasini saqlab kelayotgani aniqlanib, daliliy ashyo tariqasida olingan.
Mazkur holat yuzasidan Qo‘qon shahri IIB huzuridagi tergov bo‘limi tomonidan jinoyat kodeksining 276-moddasi 1-qismi bilan jinoyat ishi qo‘zg‘atilib, hozirda tergov harakatlari olib borilmoqda.
Eslatib o‘tamiz, Jinoyat kodeksining 276-moddasi 1-qismida ko‘rsatilgan jinoyatni sodir etgan shaxs 3 yilgacha ozodlikdan mahrum qilish bilan jazolanishi mumkin.
Izoh (0)