Андижон вилояти Балиқчи туманида 4 эркак психотроп дори сотишини айтиб, махсус мижоздан пулларни олиб қўяётган пайтда қўлга олинди. Бу ҳақда жиноят қидирув бош бошқармаси хабар берди.
Қайд этилишича, 11 июнь куни Ички ишлар вазирлиги жиноят қидирув бош бошқармаси ва Андижон вилояти ИИБ ЖҚБ ходимлари ҳамкорлигида гиёҳванд моддаларни назорат тартибида харид қилиш тезкор тадбири ўтказилган.
Тезкор тадбир аввалида гумонланувчи — 1997 йилда туғилган, Балиқчи туманида яшовчи фуқаро махсус харидор билан 1200 дона «Тропикамид» ва 4480 дона «Лирика» ҳамда «Регапен» номли кучли таъсир этувчи дори воситаларини жами 100 миллион сўмга сотишга келишиб, ушбу дориларини танишлари орқали Андижон шаҳри «Пахтакор» маҳалласида жойлашган «Карвон» ошхонаси олдига олиб келишини маълум қилган.
Шундан сўнг тезкор қидирув тадбирига жалб қилинган ходимлар билан бирга келишилган жойга борилганида гумонланувчи ўзининг Андижон вилоятида яшовчи 3 нафар шериги билан бирга қора рангли давлат рақами ечилган Spark автомашинасида келиб, икки дона қоғоз қутида дори воситалари борлигини айтиб, махсус харидор қути ичидаги дориларни кўрмоқчи бўлганида улар томонидан махсус харидордан ёнида бўлган 2000 доллар ва 80 миллион пулларни беришини талаб қилиб, махсус харидорнинг бўйнидан бўғиб, жисмоний куч ишлатиб, автомашинага олиб кириб пулларни олмоқчи бўлган вақтда тадбир иштирокчилари томонидан ушланган
Мазкур ҳолат юзасидан тўпланган ҳужжатлар Андижон шаҳар ИИО ФМБ ТБга қонуний чора кўриш учун топширилиб, ушланган шахслар Жиноят кодексининг 166-моддасида кўрсатилган жиноятни содир қилганликда гумонланувчи сифатида Жиноят-процессуал кодексининг 224-моддаси тартибида ушланган.
Изоҳ (0)