2-avgust kuni AQSH Alina Kabayeva va boshqa bir qancha yuqori martabali rossiyaliklarga qarshi sanksiyalar kiritdi. Rossiya Oliy sudi Bosh prokuratura da’vosiga ko‘ra Ukrainaning “Azov” polkini terrorchi tashkilot deb e’lon qildi va Rossiyada uning faoliyatini taqiqladi. Rossiya qo‘shinlari tunda Nikolayevni ikki marta o‘qqa tutdi, deb xabar berdi mahalliy rasmiylar. Universitet yotoqxonasi binosi shikastlangan. Ukraina hukumatining majburiy evakuatsiya qilish haqidagi buyrug‘iga bo‘ysungan holda, Kramatorsk va Donbassning Ukraina nazoratidagi boshqa aholi punktlari aholisi o‘z uylarini tark etishda davom etmoqda. Meduza urushning 160-kuniga oid asosiy fotosuratlarni jamladi.
Mariupol
Rossiya qo‘shinlari tomonidan ishg‘ol qilingan Mariupoldagi ko‘p qavatli turar joy binolari vayronalari va yonib ketgan mashinalar. Hozir Mariupolda nimalar bo‘layotgani haqida ko‘p narsa ma’lum emas, u yerdan faqat okkupatsion ma’muriyat va Rossiya rasmiylarining bayonotlari berib turilibdi.Foto: Anadolu
Mariupolning okkupatsion ma’muriyati tomonidan yo‘lga qo‘yilgan yo‘lovchi avtobusiFoto: Anadolu
Donbass shimoli
Kramatorskdan evakuatsiya qilinayotgan 87 yoshli Valentina Abramanovskaya qo‘lida onasi va singlisining taxminan 50 yil avval olingan suratini ushlab turibdi. Abramanovskaya o‘zi yashagan qishloq o‘qqa tutilganidan keyin ketishga majbur bo‘lmoqda.Foto: AP Photo
Refugease tashkiloti ko‘ngillilari kramatorsklik 84 yoshli Viktor Maryuxaga yotoqdan turishga yordam bermoqda. Hukumat Donbass aholisini majburiy evakuatsiya qilishni buyurganidan keyin Maryuxa va Kramatorskning qolgan aholisi uylarini tark etib, Ukrainaning xavfsiz hududlariga ko‘chib o‘tishga majbur bo‘lmoqda.Foto: AP Photo
Marina Gavrish turmush o‘rtog‘i Vadim bilan Kramatorskdan evakuatsiya qilinayotgan ota-onasini kuzatib qo‘ydi. Ayolning so‘zlariga ko‘ra, u ota-onasini yana tirik ko‘rishi dargumon: bu yoshda ular doimiy g‘amxo‘rlikka muhtoj, ammo endi u yordam bera olmaydi.Foto: AP Photo
Nikolayev
Nikolayevga raketa hujumining oqibatlari. Portda ichida o‘simlik yog‘i bo‘lgan rezervaur (ulkan idish) yonmoqda.Foto: Instagram
Ukrainalik o‘t o‘chiruvchilar Nikolayev portida Rossiya raketasi o‘simlik yog‘i rezervauriga tegib ketganidan so‘ng yuzaga kelgan yong‘inni o‘chirmoqda.Foto: Instagram
Xarkov viloyati
Ukrainalik sapyorlar Xarkov viloyatida Rossiya raketalarining parchalarini yig‘ishtirib olmoqda. 2-avgust kuni viloyatning Zolochevskiy tumani yana raketa zarbalariga uchradi. Bir uy vayron bo‘lgan, qurbonlar yo‘q.Foto: Anadolu
Ukrainalik artilleriyachi Xarkov yaqinidagi pozitsiyada bussolga (artilleriyadan o‘t ochishni boshqarish moslamasi) qaramoqda.Foto: AP Photo
Ukrainaning “Verba” baravar o‘t ochish reaktiv tizimi Xarkov frontidagi Rossiya pozitsiyalariga o‘q uzmoqda.Foto: AP Photo
Xarkovda komendantlik soati kirishidan oldin momaqaldiroq chalinmoqda.Foto: Reuters
Xarkovda 1-mart kuni Rossiya raketasi urilishi oqibatida vayron bo‘lgan ma’muriyati binosi.Foto: AP Photo
Izoh (0)