Angliyaning Piterboro shahrida 31-iyul, yakshanba kuni Muhammad payg‘ambar (s.a.v.) sharafiga tashkil qilingan tinchlik marshida yuzlab musulmonlar ishtirok etdi, deb xabar bermoqda Peterborough Telegraph nashri.
An’anaviy tarzda har yili o‘tkaziladigan aksiya chog‘ida dindorlar Oldermans Drayv ko‘chasidan Fayzane Madina masjidigacha yurib o‘tdi, u yerda va’zxonlik va boshqa tadbirlar o‘tkazildi. Tinchlik paradi har yili Buyuk Britaniyaning turli nuqtalaridan tashrifchilarni jalb qiladi.
Tinchlik paradi Muhammad payg‘ambar (s.a.v.) hayoti va faoliyatini nishonlashga bag‘ishlangan bo‘lib, 1981-yilda Shayx Muhammad Yusuf (mahalliy jamiyat rahbari) tomonidan asos solingan.
Izoh (0)