Краматорскдан эвакуация қилинаётган қариялар. Николаев портидаги ёнғин. Урушнинг 160-кунидан фоторепортаж
2 август куни АҚШ Алина Кабаева ва бошқа бир қанча юқори мартабали россияликларга қарши санкциялар киритди. Россия Олий суди Бош прокуратура даъвосига кўра Украинанинг «Азов» полкини террорчи ташкилот деб эълон қилди ва Россияда унинг фаолиятини тақиқлади. Россия қўшинлари тунда Николаевни икки марта ўққа тутди, деб хабар берди маҳаллий расмийлар. Университет ётоқхонаси биноси шикастланган. Украина ҳукуматининг мажбурий эвакуация қилиш ҳақидаги буйруғига бўйсунган ҳолда, Краматорск ва Донбасснинг Украина назоратидаги бошқа аҳоли пунктлари аҳолиси ўз уйларини тарк этишда давом этмоқда. Meduza урушнинг 160-кунига оид асосий фотосуратларни жамлади.
Мариупол
Россия қўшинлари томонидан ишғол қилинган Мариуполдаги кўп қаватли турар жой бинолари вайроналари ва ёниб кетган машиналар. Ҳозир Мариуполда нималар бўлаётгани ҳақида кўп нарса маълум эмас, у ердан фақат оккупацион маъмурият ва Россия расмийларининг баёнотлари бериб турилибди.Фото: Anadolu
Мариуполнинг оккупацион маъмурияти томонидан йўлга қўйилган йўловчи автобусиФото: Anadolu
Донбасс шимоли
Краматорскдан эвакуация қилинаётган 87 ёшли Валентина Абрамановская қўлида онаси ва синглисининг тахминан 50 йил аввал олинган суратини ушлаб турибди. Абрамановская ўзи яшаган қишлоқ ўққа тутилганидан кейин кетишга мажбур бўлмоқда.Фото: AP Photo
Рефугеасе ташкилоти кўнгиллилари краматорсклик 84 ёшли Виктор Марюхага ётоқдан туришга ёрдам бермоқда. Ҳукумат Донбасс аҳолисини мажбурий эвакуация қилишни буюрганидан кейин Марюха ва Краматорскнинг қолган аҳолиси уйларини тарк этиб, Украинанинг хавфсиз ҳудудларига кўчиб ўтишга мажбур бўлмоқда.Фото: AP Photo
Марина Гавриш турмуш ўртоғи Вадим билан Краматорскдан эвакуация қилинаётган ота-онасини кузатиб қўйди. Аёлнинг сўзларига кўра, у ота-онасини яна тирик кўриши даргумон: бу ёшда улар доимий ғамхўрликка муҳтож, аммо энди у ёрдам бера олмайди.Фото: AP Photo
Украиналик ўт ўчирувчилар Николаев портида Россия ракетаси ўсимлик ёғи резерваурига тегиб кетганидан сўнг юзага келган ёнғинни ўчирмоқда.Фото: Instagram
Харьков вилояти
Украиналик сапёрлар Харьков вилоятида Россия ракеталарининг парчаларини йиғиштириб олмоқда. 2 август куни вилоятнинг Золочевский тумани яна ракета зарбаларига учради. Бир уй вайрон бўлган, қурбонлар йўқ.Фото: Anadolu
Изоҳ (0)