Chilidagi Alkaparoza mis koni yaqinida ulkan o‘ra paydo bo‘ldi. Bu esa kon rahbariyati ishni vaqtincha to‘xtatishga majbur qildi, deb yozmoqda La Razon.
Kanada kompaniyasi mis qazib oladigan Alkaparoza koni yaqinida chuqurlik birinchi marta dam olish kunlari aniqlangan. Dastlab o‘raning diametri 25 metrni tashkil etgan bo‘lsa, 1-avgustga kelib u 32 metrga yetdi. O‘raning chuqurligi 64 metrdan ortiq deb baholanmoqda.
SOCAVÓN! Un socavón de aproximadamente 25 metros de diámetro se produjo este sábado en la Mina Alcaparrosa, Tierra Amarilla, #RegiónDeAtacama. Personal de @Sernageomin se constituyó ese mismo día para evaluar la situación y levantar recomendaciones. pic.twitter.com/WfwAwcP9Oc
— Sernageomin (@sernageomincl) August 1, 2022
Chili hukumati o‘rani o‘rganish uchun Milliy geologiya xizmati xodimlarini yubordi. Hozircha mutaxassislar yerda teshik paydo bo‘lishini konchilik bilan bog‘liq, deb ayta olmayapti. Ularning so‘zlariga ko‘ra, o‘ra kondan “sezilarli masofa” — taxminan 200 metr uzoqlikda joylashgan.
Konni boshqaradigan Lundin Mining kompaniyasi ma’lum qilishicha, ishchilar va yaqin atrofdagi aholi jabrlanmagan. Eng yaqin turar joy binosi o‘radan 600 metr uzoqlikda, eng yaqin aholi punkti esa undan bir kilometr uzoqlikda joylashgan.
Izoh (0)