Oq uy Milliy xafvsizlik kengashining strategik aloqalar bo‘yicha koordinatori Jon Kirbining aytishicha, AQSH Afg‘onistonda aksilterror amaliyotlarini o‘tkazish huquqini o‘zida saqlab qoladi. Uning ta’kidlashicha, bu amaliyotlar birinchi navbatda “Al-Qoida” terror guruhiga qaratilgan. Bu haqda “Kommersant” xabar bermoqda.
Jon Kirbining ma’lum qilishicha, Afg‘onistonda hali ham kam sonli “Al-Qoida” jangarilari bor. Uning rahbari Usama bin Lodinning o‘ng qo‘li Ayman az-Zavohir 31-iyul kuni Afg‘onistonda Markaziy razvedka boshqarmasi operatsiyasi chog‘ida o‘ldirilgan. Ammo guruh rahbarining yo‘q qilinishi “Al-Qoida” tahdidi yo‘q bo‘lganini anglatmaydi.
Agar biz Amerikaga ulardan yoki boshqa terroristik guruhdan tahdidni sezsak, AQSH prezidenti Jo Bayden qaytadan bu qadamni amalga oshirish huquqini o‘zida saqlab qoladi”, — deydi Jon Kirbi Oq uyda bo‘lib o‘tgan brifingda.Qo‘shma Shtatlar 2021-yilning 30-avgustida Tolibon hokimiyat tepasiga kelganidan so‘ng o‘z qo‘shinlarini Afg‘onistondan olib chiqib ketgan. Shundan so‘ng toliblar “Al-Qoida” terrorchilarini mamlakatga kiritmaslikka va’da berdi. Biroq, AQSH Davlat kotibi Entoni Blinkenning aytishicha, Tolibon ularga Afg‘onistondan boshpana olishga ruxsat berib, o‘z majburiyatlarini buzgan.
Shu bilan birgalikda “Al-Qoida” yetakchisi 2016-yilda Tolibon yetakchisini qo‘llab-quvvatlashini bildirgan edi.
Izoh (0)