“O‘zgidromet” avgust oyida qanday ob-havo bo‘lishini ma‘lum qildi

“O‘zgidromet” yozning so‘nggi oyi uchun ob-havo prognozini e’lon qildi.

Unga ko‘ra, bu yil avgust nisbatan qulay harorat qiymatlari bilan boshlanadi. Oyning birinchi besh kunligida kunduzgi havo harorati 33-38 daraja atrofida bo‘ladi. Xuddi shunday harorat foni oyning oxirigacha ustunlik qiladi.

Lekin shu bilan birga markaziy hududlarda harorat qisqa muddatli davrga 40-41 darajagacha, janubda va cho‘l zonasida 41-42 darajagacha ko‘tarilish (1-2 kun) ehtimoli bor.

Avgust oyining ayrim kunlarida respublika bo‘yicha ba’zi joylarda qisqa muddatli yomg‘ir yog‘ishi mumkin.

Iqlimiy ma’lumotlarga ko‘ra, O‘zbekistonda o‘rtacha avgust oyi iyul oyiga nisbatan 1,5-2,5 darajaga salqinroq bo‘ladi.