Sog‘liqni saqlash vazirining tegishli buyrug‘i bilan Abduhakimov Abdulla Nusratullayevich Bolalar gematologiyasi, onkologiyasi va klinik immunologiyasi ilmiy-amaliy markazi direktori lavozimiga tayinlandi.
Tibbiyot fanlari doktori Abdulla Abduhakimov 1989-yilda Toshkent pediatriya tibbiyot institutini tamomlab, o‘z ish faoliyatini mazkur oliy o‘quv yurtining “Normal anatomiya” kafedrasi assistenti sifatida boshlagan.
Keyinchalik Toshkent vrachlar malakasini oshirish instituti katta ilmiy xodimi, Toshkent viloyati o‘sma kasalliklar dispanseri bosh shifokorining davolash ishlari bo‘yicha o‘rinbosari lavozimlarida mehnat qilgan.
Shifokor 2005-yildan hozirga qadar Respublika ixtisoslashtirilgan onkologiya va radiologiya ilmiy-amaliy tibbiyot markazi Toshkent viloyati filiali direktori lavozimida faoliyat yuritib kelayotgan edi.
Izoh (0)