Rossiyaning Volgograd viloyati Bikovo tumanida o‘zbekistonlik mehnat muhojirlari ommaviy zaharlandi, deb xabar bermoqda “TASS”.
29-iyul kuni e’lon qilingan xabarda aytilishicha, 18 yoshdan 60 yoshgacha bo‘lgan 11 nafar O‘zbekiston fuqarosi zaharlanish alomatlari bilan Bikovo tumani markaziy shifoxonasiga yetkazilgan. Ikki bemor Voljskiy shahridagi Volgograd yuqumli kasalliklar shifoxonasiga yuborilgan, to‘qqiz kishi o‘tkir gastroenterokolit dastlabki tashxisi bilan Bikovo kasalxonasida davolanishni davom ettirmoqda.
Qayd etilishicha, ularning ahvoli qoniqarli deb baholanmoqda, biroq bemorlar tahlil natijalari olinmaguncha shifokorlar nazoratida bo‘ladi.
Izoh (0)