Toshkent viloyati, Sergeli tumanidagi “Lux Med” klinikasi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga fuqarolik ishlari bo‘yicha sud hukmi bilan Sergeli MIB tomonidan qo‘yilgan.
Yer uchastkasining umumiy maydoni — 0,04 gektar. Binoning maydoni — 324,8 kvadrat metr. Binolarda suv, elektr va kanalizatsiya mavjud. Gaz ta’minoti esa yo‘q.
2020-yilda qurib bitkazilgan ushbu klinika 4 qavat, 25 ta xonadan iborat.
Lot izohida yozilishicha, bino uskunalarsiz sotuvga qo‘yilgan. Sobiq manzili Zangiota tumani bo‘lgan. Hozirda Sergeli tumaniga o‘tganligi, biroq taqiq bo‘lganligi sababli yangi kadastr hujjati rasmiylashtirilmagan.
Auksionga qo‘yilgan klinikaning boshlang‘ich bahosi — 17 mlrd so‘m. Arizalar 23-avgust 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentdagi ko‘p qavatli uy MIB tomonidan 14 mlrd so‘mga auksionga qo‘yilgani haqida xabar berilgandi.
Izoh (0)