Toshkent shahar, Shayxontohur tumanidagi ko‘p qavatli turar joy kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga iqtisodiy sud hukmi bilan Shayxontohur tumani MIB tomonidan joylashtirilgan.
Qurilishi tugallanmagan ushbu turar joy binosi 7 qavatdan iborat. Binoning maydoni — 4914 kvadrat metr.
Lot izohida yozilishicha, savdo binoning faqat 3-, 5-, 6-, 7-qavatlariga taalluqli.
Auksionga qo‘yilgan binoning boshlang‘ich bahosi — 14 mlrd so‘m. Arizalar 19-avgust 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkent viloyatidagi dam olish maskani 12,4 mlrd so‘mga auksionga qo‘yilgani haqida xabar berilgandi.