Тошкентдаги клиника МИБ томонидан 17 млрд сўмга аукционга қўйилди

Тошкент вилояти, Сергели туманидаги «Luх Меd» клиникаси кимошди савдосига қўйилди. Лот маълумотлари «E-auksion» порталида эълон қилинган.

Лот аукционга фуқаролик ишлари бўйича суд ҳукми билан Сергели МИБ томонидан қўйилган.

Ер участкасининг умумий майдони — 0,04 гектар. Бинонинг майдони — 324,8 квадрат метр. Биноларда сув, электр ва канализация мавжуд. Газ таъминоти эса йўқ.

2020 йилда қуриб битказилган ушбу клиника 4 қават, 25 та хонадан иборат.

Лот изоҳида ёзилишича, бино ускуналарсиз сотувга қўйилган. Собиқ манзили Зангиота тумани бўлган. Ҳозирда Сергели туманига ўтганлиги, бироқ тақиқ бўлганлиги сабабли янги кадастр ҳужжати расмийлаштирилмаган.

Аукционга қўйилган клиниканинг бошланғич баҳоси — 17 млрд сўм. Аризалар 23 август 09:00 га қадар қабул қилинади. Савдолар худди шу куни 10:00 да бошланади.

Аввалроқ Тошкентдаги кўп қаватли уй МИБ томонидан 14 млрд сўмга аукционга қўйилгани ҳақида хабар берилганди.