Germaniyaning Mercedes-Benz avtomobil ishlab chiqaruvchisi Rossiyada yetkazib berish va ishlab chiqarishni to‘xtatib qo‘ygani sababli 1,4 mlrd yevro zarar ko‘rdi. Bu haqdagi ma’lumotlar kompaniyaning 2022-yilning birinchi olti oyi uchun hisobotida keltirilgan.
Moliyaviy hisobotlarga ko‘ra, birinchi olti oyda kompaniyaning sof foydasi 16 foizga kamayib, 6,6 mlrd yevroga, ikkinchi chorakda esa 13,6 foizga kamayib, 3,1 mlrd yevroga yetgan.
Mart oyi boshida Mercedes-Benz Rossiya viloyatidagi zavodida ishlab chiqarishni to‘xtatib, eksportni ham to‘xtatgani ma’lum bo‘ldi.
Automotive News nashrining xabar berishicha, Mercedes-Benz o‘zining distribyutorlik tarmog‘ini yangilash doirasida Germaniyada o‘z dilerliklarini 15-20 foizga va butun dunyo bo‘ylab 10 foizga qisqartiradi.
Avvalroq O‘zbekistonga eng ko‘p “inomarka’’lar qayerdan olib kelinishi ma’lum bo‘lgandi.
Izoh (0)