Iqtisodiy taraqqiyot va kambag‘allikni qisqartirish vazirligi huzuridagi Tadbirkorlik faoliyatini qo‘llab-quvvatlash davlat jamg‘armasi boshqarma boshlig‘i Shavkat Usmanov ishtirokida AOKAda brifing bo‘lib o‘tdi. Unda jamg‘armaning 2022-yil 1-yarim yillikdagi faoliyati tahlil qilindi.
Keltirilishicha, jamg‘arma so‘nggi 6 oyda 1,3 trillion so‘m moliyaviy yordam ko‘rsatgan. Jamg‘arma kichik tadbirkorlik subyektlariga 2 turda — kafillik va kompensatsiya moliyaviy yordamini bergan.
Jumladan, kafillik bo‘yicha 891 ta loyihaga 810 milliard so‘m, kompensatsiya bo‘yicha 2844 ta loyihaga qariyb 443 milliard so‘m.
Ma’lumot uchun, kafillik — qarz oluvchining tijorat banki oldidagi o‘z majburiyatlarini bajarishi uchun javob berish mas’uliyatini jamg‘armaga yuklaydigan majburiyat. Kompensatsiya — tadbirkorlarga tijorat banklari tomonidan ajratiladigan kreditlar foiz stavkasining bir qismini qoplash.
Izoh (0)