Jizzaxda xonadonlarga o‘g‘rilikka tushgan ona-bola ushlandi

Jizzax viloyati Sharof Rashidov tumanida xonadonlarga o‘g‘rilikka tushgan ona-bola ushlandi. Bu haqda “Postda” nashri xabar berdi.

Qayd etilishicha, tumanning “Pastki so‘loqli” mahallasida yashovchi M.N. ichki ishlar organlariga murojaat qilib, turar joyidan noma’lum shaxslar 15 million so‘m pul, 1 dona uyali aloqa vositasi hamda bir talay oshxona anjomlarini o‘g‘irlab ketganini bildirgan. Ko‘p o‘tmay mazkur tumanning “Yoyilma” mahallasida yashovchi O‘.F. ham xonadonidan pul, uyali aloqa vositasi va oshxona buyumlari o‘g‘irlanganini ma’lum qildi.

Tezkor qidiruv natijasida bu jinoyatlarni Toshkent shahrining Hamza tumanida yashovchi ona-bola E.D. va S.J. sodir etgani aniqlandi. Holat yuzasidan tergov harakatlari olib borilmoqda.