Qashqadaryoda to‘yga kelgan mehmon kuyovjo‘rani pichoqladi

Qashqadaryo viloyati Nishon tumanida 26-iyul kuni to‘yda janjal sodir bo‘ldi. Bu haqda Nasafnews xabar qildi.

Qayd etilishicha, 26-iyul kuni Nishon tumanidagi “Kaptarli” MFYda o‘tkazilgan nikoh to‘yida janjal yuzaga kelgan. Jiyanining nikoh to‘yiga kelgan Surxondaryo viloyatining Qiziriq tumanida yashovchi X.E. yarim tunda tort kesish tadbirida shu mahallada yashovchi kuyovning jo‘rasi X.J. bilan janjallashib qolgan. U spirtli ichimlik ta’sirida oshxonadan pichoq olib chiqib, X.J.ning chap ko‘krak qismiga sanchib, tan jarohati yetkazgan.

Holat yuzasidan Nishon tuman prokuraturasi tomonidan jinoyat ishi qo‘zg‘atilgan. Hozirda dastlabki tergov harakatlari olib borilmoqda.