Қашқадарё вилояти Нишон туманида 26 июль куни тўйда жанжал содир бўлди. Бу ҳақда Nasafnews хабар қилди.
Қайд этилишича, 26 июль куни Нишон туманидаги «Каптарли» МФЙда ўтказилган никоҳ тўйида жанжал юзага келган. Жиянининг никоҳ тўйига келган Сурхондарё вилоятининг Қизириқ туманида яшовчи Х.Э. ярим тунда торт кесиш тадбирида шу маҳаллада яшовчи куёвнинг жўраси Х.Ж. билан жанжаллашиб қолган. У спиртли ичимлик таъсирида ошхонадан пичоқ олиб чиқиб, Х.Ж.нинг чап кўкрак қисмига санчиб, тан жароҳати етказган.
Ҳолат юзасидан Нишон туман прокуратураси томонидан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Изоҳ (0)