Jahon oltin kengashi zargarlik buyumlariga bo‘lgan talab yana pasayishini ma’lum qildi

Jahon oltin kengashi ma’lumotlariga ko‘ra, global bozorlarda iqtisodiy o‘sishning sustlashishi tufayli oltin zargarlik buyumlariga talab kamayishi mumkin. Bu haqda Bloomberg xabar berdi.

Xitoyning qat’iy COVID-zero siyosati va ko‘chmas mulk sektorining kombinatsiyasi u yerda talabning asta-sekin tiklanishiga sabab bo‘lishi mumkin, — deb yoziladi choraklik hisobotda.

Yana bir yirik iste’molchi Hindiston ham rupiyning qadrsizlanishi va import bojining oshishi sababli xaridni kamaytirishi mumkin.

Zargarlik buyumlariga talab 2021-yildan keyin zaiflashdi, bunga Xitoydagi cheklovlar va dollarning kuchayishi sabab bo‘ldi.

Bu esa mahalliy valyutalarda sotib olingan oltin narxining qimmatlashishiga olib keldi. Spot narxlar Ukrainadagi urush ortidan rekord darajaga ko‘tarildi, so‘ng pasayib ketdi.

Ko‘pgina mamlakatlar iqtisodiy zaiflikka duch kelgani tufayli oltinga bo‘lgan talab kamayishi mumkin, ammo uning o‘z xaridorlari bo‘ladi, — dedi kengashning katta tahlilchisi Luiza Strit.

Avvalroq O‘zbekiston uch oydan beri oltin sotmayotgani haqida xabar berilgandi.