Xalqaro valyuta jamg‘armasi joriy va kelasi yil uchun jahon inflyatsiyasini mos ravishda 8,3 foiz va 5,7 foiz bo‘lishini kutayotganini e’lon qildi. Bu haqda tashkilot saytida xabar berildi.
Ikkala holatda ham prognoz aprel oyidagi ma’lumotlarga nisbatan 0,9 foiz punktga oshdi.
Prognozning o‘zgarishiga energiya va oziq-ovqat narxlarining ko‘tarilishi, shuningdek, talab va taklifning davom etayotgan nomutanosibligi ta’sir ko‘rsatdi.
Jamg‘armaning taxminlariga ko‘ra, iqtisodiyoti rivojlangan mamlakatlarda narxlar mos ravishda 6,6 va 3,3 foizga, rivojlanayotgan mamlakatlarda esa 9,5 va 7,3 foizga oshadi.
Yevrozonada joriy va kelgusi yil uchun inflyatsiya mos ravishda 7,3 foiz va 3,9 foizni tashkil qiladi. AQSHda — mos ravishda 7,7 foiz va 3 foiz.
Mutaxassislarning fikricha, Rossiya gazining Yevropaga eksportining to‘liq to‘xtatilishi inflyatsiyaning tezlashishiga ta’sir qilishi mumkin.
Yevropada bu energiya iste’molini me’yorlashtirib, yirik sanoat tarmoqlariga zarba berishi va 2022 va 2023 yillarda yevrohududdagi o‘sishni keskin cheklab qo‘yishi bo‘lishi mumkin, — deb yozadi XVJ.2022-yil aprel oyida Jahon banki ma’lumotlariga ko‘ra, jahon narxlarining o‘sishi 7,8 foizni tashkil etdi, bu butun dunyo bo‘yicha 2008-yildan beri, rivojlangan mamlakatlar uchun 1982-yildan beri eng yuqori ko‘rsatkichdir.
O‘zbekistonda vaziyat qanday?
O‘zbekistonda iyun oyida yillik inflyatsiya sur’ati 12,2 foizni tashkil etdi. Ushbu o‘sish asosan global inflyatsion jarayonlar sharoitida import inflyatsiyasi, tovarlarni yetkazib berish va logistikasida yuzaga kelayotgan muammolar bilan izohlanadi.Bundan tashqari g‘alla yetishtirish va sotish narxlarining erkinlashtirilishi kabi omillar ham yuqori inflyatsiyaga sabab bo‘lmoqda.
Yillik inflyatsiya tarkibida oziq-ovqat mahsulotlari narxlari 16,5 foizga oshgan bo‘lsa, nooziq-ovqat tovarlari va xizmatlar mos ravishda 10,7 va 6,8 foizga qimmatlashdi.
Izoh (0)