“O‘zgidromet” O‘zbekistonda 26-iyul kuni kuzatiladigan ob-havo ma’lumotini e’lon qildi.
26-iyul kuni O‘zbekistonda havo hali ham issiq bo‘ladi, faqat Xorazm viloyatida ertalab ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Shimolda, janubda va cho‘l hududlarda ba’zi joylarda shamol 17–22 m/s gacha kuchayishi, ayrim joylarda chang–to‘zonlari bilan kuzatilishi mumkin.
Farg‘ona viloyatining tog‘ oldi va tog‘li hududlarida glyatsial (muz) sel-suv toshqin hodisalari yuzaga kelishi mumkin. Havo harorati 38–43 daraja, janubda ba’zi joylarda 45 darajagacha, shimolda 32–37 daraja bo‘ladi.
Toshkentda havo quyoshli bo‘ladi. Shamol 3–8 m/s tezlikda esadi, kunning ikkinchi yarmida 10–12 m/s gacha kuchayishi mumkin. Harorat 41–43 daraja atrofida saqlanib turadi.
Tog‘li hududlarda yog‘ingarchilik kutilmaydi. Shamol 7–12 m/s tezlikda esadi, ba’zi joylarda 15–20 m/s gacha kuchayishi mumkin. Harorat kunduzi 30–35 daraja bo‘ladi.
Izoh (0)