AOKAda o‘tkazilgan brifingda “O‘zto‘qimachiliksanoati” uyushmasi axborot xizmati rahbari Shahzoda Qo‘chqorova yagona maktab formasi ishlab chiqarish jarayonlari haqida ma’lumot berdi.
Qayd etilishicha, Vazirlar Mahkamasi qarori doirasida “O‘zto‘qimachiliksanoat” uyushmasi va tarmoq korxonalari tomonidan respublika umumiy o‘rta ta’lim maktablarida tahsil olayotgan jami 6,6 million nafar o‘quvchi uchun yagona maktab formasi ishlab chiqarishni tashkil etish vazifasi berilgan. 20-iyul holatiga ko‘ra, to‘qimachilik korxonalari tomonidan 1,5 million komplektdan ortiq maktab formalari tayyorlanib, sotuvga chiqarilgan.
O‘quvchilarni sifatli va zamon talabiga mos maktab formalari bilan ta’minlash uchun respublika bo‘ylab 560 ta mahalliy korxona ro‘yxati shakllantirilgan.
O‘rganish natijalariga ko‘ra, maktab formasini ishlab chiqarish uchun xomashyo sifatida 26 million kvadrat metr gazlama mato ishlatiladi.
Izoh (0)