AOKAda o‘tkazilgan brifingda Mahallabay ishlash va tadbirkorlikni rivojlantirish agentligi boshqarma boshlig‘i Dilfuza Avloqulova hokim yordamchilari amalga oshirgan ishlar haqida ma’lumot berdi.
Qayd etilishicha, hokim yordamchilari tavsiyanomalari asosida 177 mingta loyihaga jami 4,4 trillion so‘m imtiyozli kredit va 24 mingdan ortiq ishsizga 60 milliard so‘m subsidiya ajratilgan. 128 ming nafar aholi kasb-hunar va tadbirkorlik ko‘nikmalariga o‘qitilgan.
Hokim yordamchilari tomonidan shakllantirilgan 25 mingdan ortiq “mahallabay” mikroloyihaning 9,5 mingtasi ishga tushirilib, 47 mingga yaqin ish o‘rni yaratilgan. “Bir mahalla-bir mahsulot” tamoyili asosida 3 051 ta ixtisoslashgan mahallalardagi 632 mingta aholi xonadonidagi 79 ming gektar yer maydonlaridan samarali foydalanish yo‘lga qo‘yilgan.
Aholi bandligini ta’minlash bo‘yicha band bo‘lmagan aholini ish bilan ta’minlash va tadbirkorlikka jalb qilish orqali 1,4 million nafar fuqarolar daromadli mehnat bilan bandligi ta’minlangan. Xususan, 210 ming nafari doimiy ish joylariga joylashtirilgan. 722 ming nafari o‘zini o‘zi band qilgan shaxs sifatida ro‘yxatga olingan. 47 ming nafari yakka tartibdagi tadbirkorlikka va 108 ming nafari haq to‘lanadigan jamoat ishlariga jalb qilingan. 316 ming nafar fuqarolarga ijara asosida yer ajratilgan.
Hokim yordamchilari tavsiyanomalari asosida 177 mingta loyihaga jami 4,4 trln so‘m imtiyozli kredit va 24 mingdan ortiq ishsizlarga 60 mlrd. so‘m subsidiyalar ajratildi, 128 ming nafar aholi kasb-hunar va tadbirkorlik ko‘nikmalariga o‘qitilgan.
Mavzuga doir:
- Zoir Mirzayev ko‘rsatkichi past 18 nafar hokim yordamchisini ishdan olishni taklif qildi
- O‘zbekistonda hokim yordamchilarini halollikni kuchaytirish bo‘yicha maxsus kurslarda o‘qitish tizimi yo‘lga qo‘yildi
- O‘zbekistonda hokim yordamchilariga mahalladagi davlat ko‘chmas mulk obyektini auksionga chiqarishga ruxsat berilishi mumkin
Izoh (0)