Toshkent shahrining bir nechta tumanlari aholisi bir necha haftadan badbo‘y hiddan shikoyat qilmoqda. Vaziyatni issiq ob-havo yanada og‘irlashtirmoqda, bu esa yoqimsiz hidlarning ta’sirini kuchaytirmoqda, deb xabar beradi “Podrobno.uz”.
Qayd etilishicha, holat yuzasidan Toshkent shahar prokuraturasi tomonidan maxsus ishchi guruh tuzilgan. Uning tarkibiga Davlat ekologiya qo‘mitasi, Sanitariya-epidemiologiya xizmati va boshqa tashkilotlar vakillari kiritilgan. Ishchi guruh kanal atrofida faoliyat yuritayotgan korxonalarni tekshirishni boshlagan.
Xususan, parrandachilik xo‘jaliklari, oziq-ovqat qo‘shimchalari tayyorlash sexlari, qishloq xo‘jaligi mahsulotlarini qayta ishlovchi va boshqa bir qator korxonalar faoliyati tekshirilmoqda. O‘rganish ishlari natijasida bir qator kamchiliklar aniqlangan. Jumladan, sanitariya qoidalariga rioya qilmaslik, chiqindilarni kanalizatsiya tarmoqlariga belgilangan me'yorlarga zid ravishda tushirish, tozalash inshootlarisiz ishlash va hokazo.
Bundan tashqari, to‘qimachilik va terini qayta ishlash korxonalari tomonidan kanalizatsiyaga oqizilgan oqava suvlar, jun va teridan ko‘p miqdorda bo‘yoqlar aniqlangan.
Hozirda tekshiruv ishlari davom etmoqda.
Izoh (0)