Rossiyaga Yaqin Sharqdan neft yetkazib berish hajmi kuniga 2,2 mln barrelgacha oshishi mumkin. Ko‘rsatkich yanvar oyidagiga nisbatan 90 foizga ko‘p. Bu haqda Bloomberg xabar bermoqda.
Iyul oyining birinchi uch haftasida Misr orqali o‘tuvchi SuMed quvuridan Yevropaga kuniga 1 mln barreldan ortiq xomashyo Yaqin Sharqdan jo‘natilgan.
Iyun oyi boshida Yevropa Ittifoqi Rossiya neftiga qisman embargoni o‘z ichiga olgan navbatdagi sanksiyalar paketini kiritdi. Bu dengiz orqali neft yetkazib berishni taqiqlashni o‘z ichiga olgan edi.
Yevropa olti yil ichida birinchi marta ushbu xomashyoni AQSHdan import qilish bo‘yicha Osiyoni ortda qoldirdi — yanvardan maygacha 213,1 mln barrel.
Osiyo esa shu davr mobaynida ASHdan 191,1 mln barrel neft import qilgan.
Oxirgi marta bunday holat 2016-yil — Qo‘shma Shtatlar xom neft eksportiga qo‘yilgan taqiqni bekor qilganda paydo bo‘lgan.
Saudiya Arabistoni neft qazib olish hajmini kuniga 10 mln barreldan 13 mln barrelgacha oshirishini e’lon qildi.
Iyul oyi oxirida Yevropa Ittifoqi “Rosneft” va “Gazprom neft” kompaniyalari bilan bitimlar bo‘yicha taqiqni yumshatishga qaror qildi, bu ularga neftni uchinchi mamlakatlarga tashish imkonini berdi.
Avvalroq Yevropa embargo kuchga kirishidan oldin Rossiyadan ko‘proq neft sotib olmoqchiligi haqida xabar berilgandi.
Izoh (0)