Fitch xalqaro reyting agentligi Ukrainaning uzoq muddatli defolt reytingini CCC dan C ga (defoltdan oldingi daraja) tushirdi.
Qaror Kiyevning kreditorlar bilan davlat qarzi bo‘yicha to‘lovlarni ikki yilga kechiktirish bo‘yicha muzokaralar olib borish rejalari bilan bog‘liq. Agentlik ushbu reyting cheklangan defoltga pasayishini istisno qilmaydi.
Fitch’ning fikricha, Ukraina o‘z hududida harbiy harakatlar davom etayotgani sababli davlat qarzini to‘lash muddatini qayta ko‘rib chiqishga muhtoj.
Agentlik ma’lumotlariga ko‘ra, Ukraina davlat qarzi 2022-yilda 48 foiz punktga oshib, YIMning 92 foizini, 2023-yilda esa 103 foizni tashkil etadi.
Fitch 2022-yilda Ukraina iqtisodiyoti 33 foizga qisqarishini bashorat qilmoqda. 2023-yilda yalpi ichki mahsulotning o‘sishi 4 foizni tashkil etishi kutilmoqda. 2022-yil oxiriga kelib inflyatsiya 30 foizga ko‘tarilishi mumkin.
Fevral oxirida Rossiya harbiy amaliyoti boshlanganidan keyin Fitch Ukraina reytingini B dan CCC ga tushirgan edi.