Ukraina infratuzilma vaziri Aleksandr Kubrakov Istanbul kelishuvi imzolangandan so‘ng Odessa, Chornomorsk va Yujniy portlaridan oziq-ovqat eksport qilinishini ma’lum qildi. Bu haqda “Kommersant” xabar bermoqda.
Kubrakovga ko‘ra, eksport yaqin haftalarda boshlanadi. Vazir, shuningdek, Ukraina 20 million tonna donni omborlardan eksport qila olishini aytdi.
Gap Odessa, Chernomorsk va Yujniyning uchta portini blokdan chiqarish haqida ketmoqda. Ulardan yaqin haftalarda dengiz orqali oziq-ovqat eksportini boshlaymiz, — dedi vazir Facebook’da.
Oleksandr Kubrakov kelishuv, birinchi navbatda, Ukraina iqtisodiyotini sezilarli darajada qo‘llab-quvvatlashini ta’kidladi.
Omborlarda o‘tgan yildan beri 20 million tonnadan ortiq g‘alla bor, yangi hosil hozirdanoq eksportni kutmoqda, – deydi janob Kubrakov.
Shuningdek, u hujjat imzolangan kundan boshlab 120 kun davomida amal qilishi va tomonlardan biri uni bekor qilish niyatini bildirmagan bo‘lsa, xuddi shu muddatga uzaytirilishi mumkinligini tushuntirdi.
Bugun, 22-iyul kuni Istanbulda dengiz portlarida harbiy amaliyot boshidan to‘sib qo‘yilgan Ukraina donini eksport qilish bo‘yicha kelishuv imzolangan edi.
Izoh (0)