Россияга Яқин Шарқдан нефть етказиб бериш ҳажми кунига 2,2 млн баррелгача ошиши мумкин. Кўрсаткич январь ойидагига нисбатан 90 фоизга кўп. Бу ҳақда Bloomberg хабар бермоқда.
Июль ойининг биринчи уч ҳафтасида Миср орқали ўтувчи СуМед қувуридан Европага кунига 1 млн баррелдан ортиқ хом ашё Яқин Шарқдан жўнатилган.
Июнь ойи бошида Европа Иттифоқи Россия нефтига қисман эмбаргони ўз ичига олган навбатдаги санкциялар пакетини киритди. Бу денгиз орқали нефть етказиб беришни тақиқлашни ўз ичига олган эди.
Европа олти йил ичида биринчи марта ушбу хом ашёни АҚШдан импорт қилиш бўйича Осиёни ортда қолдирди — январдан майгача 213,1 млн баррель.
Осиё эса шу давр мобайнида АШдан 191,1 млн баррель нефть импорт қилган.
Охирги марта бундай ҳолат 2016 йил — Қўшма Штатлар хом нефть экспортига қўйилган тақиқни бекор қилганда пайдо бўлган.
Саудия Арабистони нефть қазиб олиш ҳажмини кунига 10 млн баррелдан 13 млн баррелгача оширишини эълон қилди.
Июль ойи охирида Европа Иттифоқи «Роснефть» ва «Газпром нефть» компаниялари билан битимлар бўйича тақиқни юмшатишга қарор қилди, бу уларга нефтни учинчи мамлакатларга ташиш имконини берди.
Аввалроқ Европа эмбарго кучга киришидан олдин Россиядан кўпроқ нефть сотиб олмоқчилиги ҳақида хабар берилганди.
Изоҳ (0)