IDC konsalting kompaniyasining tadqiqotlariga ko‘ra, 2020-yilda global axborot texnologiyalari sanoati 5 trln dollardan oshgan. Bu haqda Prognozlashtirish va makroiqtisodiy tadqiqotlar instituti (PMTI) ma’lumot bermoqda.
AKT real daromadlarning o‘sishiga bir necha yo‘llar orqali ijobiy ta’sir ko‘rsatadi: masalan, ta’lim tizimiga, moliya tashkilotlari faoliyatining kengayishi, ishsizlikning qisqarishiga ta’sir qiladi.
PMTI ekspertlari esa axborot-kommunikatsiya texnologiyalari O‘zbekistonda aholi real daromadlarining o‘sishiga qanday hissa qo‘shayotganini hisobladi.
Optik tolali aloqa liniyalari uzunligining 100 kilometrga ortishi aholi real daromadlarining 1,43 foizga o‘sishida yordam beradi.
Internetdan foydalanuvchilar sonining 1 foiz punktiga ko‘payishi aholi real daromadlarining 0,9 foizga oshishiga olib keladi.
So‘nggi bir necha o‘n yillik davomida butun dunyoda AKT xizmatlari jadal sur’atlar bilan o‘sdi.
2020-yilda global AKT xarajatlari taxminan 4,9 trln AQSH dollarini tashkil etgan bo‘lsa, 2023-yilga borib bu ko‘rsatkich 5,8 trln dollargacha oshishi kutilmoqda.
So‘nggi yillarda O‘zbekistonda AKT sohasini rivojlantirishga alohida e’tibor qaratilmoqda. 2019-2021 yillarda simli Internet orqali axborot uzatish tezligi deyarli ikki baravar oshdi (40 Mbit/s gacha) va aholining 70 foizdan ortig‘i internetdan foydalanuvchilarga aylandi.
AKTning O‘zbekistonda aholi real daromadlari o‘sishiga ta’sirini tahlil qilish uchun Davlat statistika qo‘mitasining 2015-2020 yillardagi (84 ta kuzatuv) hududlar bo‘yicha statistik ma’lumotlariga asoslangan ekonometrik modellardan foydalanildi.
Shunday qilib, optik tolali aloqa liniyalari uzunligining 100 kilometrga ortishi aholi real daromadlarining 1,43 foizga o‘sishida yordam beradi.
Internetdan foydalanuvchilar sonining 1 foiz punktiga ko‘payishi esa aholi real daromadlarining 0,9 foizga oshishiga olib keladi.
Shuningdek, mamlakatda asosiy uyali aloqa stansiyalarining tarqalishi optik tolali aloqa liniyalariga qaraganda ancha yuqori. Buning natijasida ularning ta’siri kamroq seziladi.
Axborot-kommunikatsiya infratuzilmasini rivojlantirish aholining real daromadlarini oshirishda muhim ahamiyatga ega.
Kelgusi yillarga AKTni rivojlantirish bo‘yicha chora-tadbirlar rejasini tahlil qilganda mazkur omilning ahamiyati ortishi aholi bilimining kehgayishi, raqamli xizmatlar, shu jumladan aholi daromadlarining ortishiga olib kelishini ta’kidlash lozim.
Shu tariqa, yaqin yillarda raqamli infratuzilmani rivojlantirish uchun taxminan 2,5 mlrd dollarga yaqin mablag‘ni jalb etish rejalashtirilmoqda.
Toshkent, Buxoro va Qo‘qon kabi shaharlarda uchta yirik yangi data-markazlarni ishga tushirish, shuningdek, statsionar telekommunikatsiya tarmog‘ini yanada kengaytirish va mobil aloqa tarmog‘ini modernizatsiya qilish rejalashtirilgan.
Natijada xonadonlar har bir aholi punktida kamida 10 Mbit/s tezlikda internetdan foydalanish imkoniyatiga ega bo‘ladi.
Izoh (0)