Krishtianu Ronaldu yana bir bor ijtimoiy tarmoqlarga trenajor zalidan fotosurat joyladi.
Suratda 37 yoshli hujumchi “Manchester Yunayted” libosida mashg‘ulot o‘tayotgani tasvirlangan.
Portugaliyalik ushbu rasmni mankunianliklar “Aston Villa”ga qarshi o‘rtoqlik o‘yinida maydonga tushgan vaqtda joylagan.
Eslatib o‘tamiz, Ronalduning Nike bilan shaxsiy shartnomasi bor, Adidas esa “Manchester Yunayted” liboslarini tayyorlaydi.
Avvalroq ham Krishtianu Instagram sahifasiga “qizil iblislar” libosida mashg‘ulot o‘tayotgani rasmini joylagan edi.
Ronaldu 2021/22-yilgi mavsum mankunianliklar safida barcha musobaqalarda 39 ta o‘yinda maydonga tushib, 24 ta gol va 3 ta golli uzatmani amalga oshirdi.
Izoh (0)