“Barselona” “Vilyarreal” himoyachisi Pau Torresga qiziqish bildirmoqda.
Xabarga ko‘ra, kataloniyaliklar 25 yoshli futbolchiga jiddiy taklif bilan chiqmoqchi. Pauning o‘zi ham “ko‘k-anorranglilar” safiga o‘tishga tayyor. “Vilyarreal” ham futbolchini qo‘yib yuborishga qarshi emas.
Jurnalist Xose Alvares Gayyaning ta’kidlashicha, “Barselona” allaqachon Torres uchun taklif yuborgan. “Vilyarreal”ga pul kerak, undan tashqari jamoa kataloniyaliklarning birorta futbolchisini transferga qo‘shib berishini talab qilishi mumkin. Masalan, Abde Ezzalzulini.
Pauning “Barselona”ga o‘tishi 40-50 million yevroga baholanmoqda. Futbolchi tezroq kataloniyaliklar safiga o‘tishni istamoqda.
Ispaniya terma jamoasi himoyachisi ortda qolgan mavsumda “Vilyarreal” safida barcha musobaqalarda 46 ta o‘yinda ishtirok etib, 6 ta golga mualliflik qilgan.
Izoh (0)