«Барселона» «Вильярреал» ҳимоячиси Пау Торресга қизиқиш билдирмоқда.
Хабарга кўра, каталонияликлар 25 ёшли футболчига жиддий таклиф билан чиқмоқчи. Паунинг ўзи ҳам «кўк-анорранглилар» сафига ўтишга тайёр. «Вильярреал» ҳам футболчини қўйиб юборишга қарши эмас.
Журналист Хосе Альварес Гайянинг таъкидлашича, «Барселона» аллақачон Торрес учун таклиф юборган. «Вильярреал»га пул керак, ундан ташқари жамоа каталонияликларнинг бирорта футболчисини трансферга қўшиб беришини талаб қилиши мумкин. Масалан, Абде Эззалзулини.
Паунинг «Барселона»га ўтиши 40-50 миллион еврога баҳоланмоқда. Футболчи тезроқ каталонияликлар сафига ўтишни истамоқда.
Испания терма жамоаси ҳимоячиси ортда қолган мавсумда «Вильярреал» сафида барча мусобақаларда 46 та ўйинда иштирок этиб, 6 та голга муаллифлик қилган.
Изоҳ (0)