Axborot texnologiyalari va kommunikatsiyalarini rivojlantirish vaziri Sherzod Shermatov hamda “O‘zkomnazorat” davlat inspeksiyasi boshlig‘i A’zam Abdullayev bilan birgalikda Samarqand turizm markazida 5G tarmog‘i testi, majmuada joylashgan har bir binoning ichki qismi va tashqi nuqtalarida Active DAS tizimining sinov jarayonlarida shaxsan ishtirok etib, natijani amalda sinab ko‘rdi.
O‘zbekistonda ilk bor barcha mobil aloqa operatorlari o‘zaro hamkorlikda antenna infratuzilmasini bir machta orqali binolar, mehmonxona va majmua hududida Active DAS (Distributed Antenna System) tizimida xizmatlar ko‘rsatishi yo‘lga qo‘yilmoqda.
Qayd etilishicha, bunday yondashuv kelgusida respublikaning barcha hududlarida zamonaviy telekommunikatsiya texnologiyalarini joriy etish orqali telekommunikatsiya xizmatlaridan yanada keng ko‘lamli foydalanishga xizmat qiladi.
2022-yilning 24–27-oktabr kunlari bo‘lib o‘tadigan ICTWEEK Uzbekistan haftaligini Samarqand turizm markazida o‘tkazish rejalashtirilgan.
Izoh (0)