Ахборот технологиялари ва коммуникацияларини ривожлантириш вазири Шерзод Шерматов ҳамда «Ўзкомназорат» давлат инспекцияси бошлиғи Аъзам Абдуллаев билан биргаликда Самарқанд туризм марказида 5G тармоғи тести, мажмуада жойлашган ҳар бир бинонинг ички қисми ва ташқи нуқталарида Active DAS тизимининг синов жараёнларида шахсан иштирок этиб, натижани амалда синаб кўрди.
Ўзбекистонда илк бор барча мобил алоқа операторлари ўзаро ҳамкорликда антенна инфратузилмасини бир мачта орқали бинолар, меҳмонхона ва мажмуа ҳудудида Active DAS (Distributed Antenna System) тизимида хизматлар кўрсатиши йўлга қўйилмоқда.
Қайд этилишича, бундай ёндашув келгусида республиканинг барча ҳудудларида замонавий телекоммуникация технологияларини жорий этиш орқали телекоммуникация хизматларидан янада кенг кўламли фойдаланишга хизмат қилади.
2022 йилнинг 24–27 октябрь кунлари бўлиб ўтадиган ICTWEEK Uzbekistan ҳафталигини Самарқанд туризм марказида ўтказиш режалаштирилган.
Изоҳ (0)