Buxoroda davlat zaxirasidagi yer maydonini 15 000 dollarga pullagan shaxs qo‘lga olindi. Bu haqda viloyat Ichki ishlar boshqarmasi axborot xizmati ma’lum qildi.
Ta’kidlanishicha, hududda huquqni muhofaza qiluvchi organlar xodimlari tomonidan tergovga qadar tekshiruv o‘tkazilgan. Unda fuqaro R.N. davlat zaxirasidagi 2 sotix yer maydoniga tegishli hujjatlarni noma’lum shaxslar orqali qalbakilashtirish yo‘li bilan turmush o‘rtog‘ining nomiga rasmiylashtirgani aniqlangan. U ushbu yer maydonini o‘zaro og‘zaki kelishuvga ko‘ra fuqaro J.ning nomiga ishonchnoma berish orqali 15 000 dollarni firibgarlik yo‘li bilan qo‘lga kiritganda qo‘lga olingan.
Holat yuzasidan Jinoyat kodeksining 168 (firibgarlik), va 28, 211-moddalari (pora berish) bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)