Andijon viloyati Marhamat tumanida mas’ul xodimlar suyultirilgan gaz ballonlarini talon-toroj qildi. Bu haqda Iqtisodiy jinoyatlarga qarshi kurashish departamenti xabar berdi.
Bosh prokuratura huzuridagi departamentning Marhamat tumani bo‘limi tomonidan fuqarolarning huquq va manfaatlarini himoya qilish yuzasidan tergovga qadar tekshiruv o‘tkazilgan. Unda “Marhamattumangaz” gaz ta’minoti bo‘limi moddiy javobgar shaxslari tomonidan filial balansida bo‘lgan, fuqarolarning ehtiyojlari uchun foydalaniladigan jami 303 dona 163,8 million so‘mlik suyultirilgan gaz ballonlari o‘zlashtirish yo‘li bilan talon-toroj qilingani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)