Qashqadaryo viloyati hokimi Murotjon Azimov 22-iyul kuni Senat a’zoligiga qabul qilindi. Bu haqda viloyat hokimligi axborot xizmati xabar berdi.
Viloyat teatri binosida xalq deputatlari viloyat, tuman va shahar kengashlarining qo‘shma majlisi bo‘lib o‘tdi. Majlis kun tartibiga bitta — Senatga viloyatdan bo‘shab qolgan o‘rin uchun a’zo saylash to‘g‘risidagi masala kiritildi.
Shundan kelib chiqib, Senat a’zosi saylovi bo‘lib o‘tdi. Saylovda barcha demokratik talablar asosida har bir ishtirokchining o‘z xohish irodasini erkin ifoda etishi uchun qurilgan kabinalar orqali yashirin ovoz berib, byulletenlar saylov qutisiga tashlandi. Sanoq komissiyasi belgilangan tartibda nomzodlarga berilgan ovozlarni sanab chiqib, natijalarni e’lon qildi.
Saylov natijalariga ko‘ra, viloyat hokimi Murotjon Azimov Senat a’zoligiga saylandi. Majlisda Markaziy saylov komissiyasi raisi Zayniddin Nizomxo‘jayev ishtirok etdi.
Izoh (0)