Andijon shahrida qo‘shmachilik bilan shug‘ullanib kelgan ayol 18-iyul kuni qo‘lga olindi. Bu haqda viloyat Ichki ishlar boshqarmasi axborot xizmati xabar berdi.

Qayd etilishicha, viloyat IIB odam savdosi va noqonuniy migratsiyaga qarshi kurashish bo‘limi xodimlari tomonidan Andijon shahri hududida tezkor tadbir o‘tkazilgan. Unda shu shaharda yashovchi ayol P.Z. o‘z xonadonida Izboskan tumanida yashovchi ayol G.G. hamda Andijon shahrida yashovchi ayol A.R.ga shahvoniy maqsadlarda foydalanish uchun shart-sharoit yaratib bergani aniqlangan.

Ayol xolis mijozdan oldindan olingan, kimyoviy ishlov berilgan 600 000 (olti yuz ming) so‘m pullar evaziga mijoz bilan jinsiy aloqa qilishi uchun barcha shart-sharoitlarni yaratib bergan vaqtda tadbir ishtirokchilari tomonidan qo‘lga olingan.

Fuqaro P.Z.dan kimyoviy ishlov berilgan pullar daliliy ashyo tariqasida xolislar ishtirokida olib qo‘yilgan. Hozirda holat yuzasidan tergovga qadar tekshiruv harakatlari olib borilmoqda.