Ayni paytda Uzcard bilan Humo kartalarini unifikatsiya qilish ishlari davom etmoqda. Bu haqda bugun, 21-iyul kuni o‘tkazilgan matbuot anjumanida Markaziy bank raisi Mamarizo Nurmurodov ma’lum qildi, deya xabar bermoqda “Daryo” muxbiri.
O‘zbekistonda 2021-yil oxirigacha barcha terminallar Uzcard va Humo kartalarini birdek qabul qilishi bildirilgandi. Ammo bu reja hozir ham amalga oshmagan. Mamarizo Nurmurodov jarayonning kechikish sababini aytdi.
“Uzcard bilan Humo bo‘yicha ishlar birmuncha qiyin ketyapti. Buni tan olish kerak. Hozir birinchi navbatda eksperiment sifatida terminallarni unifikatsiya qilish bo‘yicha ishlayapmiz. Keyingi bosqichda bankomatlar masalasi turibdi.
Qiyin deganimning sababi Uzcard xususiy kompaniya bo‘lgani bilan bog‘liq. Kompaniya qo‘yadigan ma’lum bir shartlar bizning Humo‘ga to‘g‘ri kelmaydi. Humo‘ni ham to‘g‘ri tushunish kerak. Agar kim undan ko‘proq moliyaviy operatsiyalar qilsa, juda ko‘p ijtimoiy ahamiyatga ega operatsiyalari bor. Ya’ni foiz olmaydigan operatsiyalari bor. Shular bo‘yicha ish ketyapti. Bu to‘xtab qolgani yo‘q”, – dedi Markaziy bank raisi
Avvalroq Mamarizo Nurmurodov 200 000 so‘mlik muddatidan oldin chiqarilishi sabablarini ma’lum qilgandi.
Izoh (0)