Ijtimoiy tarmoqlarda ayol sosiska sotib olgani, uni qaynatayotgan paytda yorilib ketib, ichidan qurt chiqqani aytilgan video tarqaldi. Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Nurmat Otabekov holatga izoh berdi.
Bir jihatga e’tibor qaratmoqchiman. Bu holat xuddi katta dengizga bir qoshiq tuz tashlaganday gap. Biz aynan shu ma’lumotni ko‘rib, faqat bir narsani anglab yetdik. ‘Nur’ degan qadoqda sosiska mahsuloti bo‘lgan. Lekin u haqiqatan o‘sha qadoq sosiskasimi yoki yo‘q — buni bilmaymiz.
Negaki biz uni qidirib topishimiz uchun o‘sha mahsulotni joylashtirayotgan shaxs hech bo‘lmaganda o‘z ism-sharifini, telefon raqamini, qayerdan, qachon va kimdan bu mahsulotni xarid qilganini aytsa, bizga (Sanitariya-epidemiologik osoyishtalik va jamoat salomatligi xizmati — tahr.), Iste’molchilar huquqlarini himoya qilish agentligiga bu mahsulotni qidirib topish, uni sotayotganlarga qarshi chora ko‘rish, agar shu kabi mahsulotlar ishlab chiqarilayotgan bo‘lsa, ularga o‘z munosabatimizni bildirishimiz mumkin, — deydi mutaxassis.
Otabekov odamlarni xavotirga qo‘yish asosiy maqsad bo‘lib qolmasligi kerakligi, bu kabi ma’lumotlarni ijtimoiy tarmoqlarga joylashtiradigan odam aniq manzilini aytsa, mas’ullar butun boshli respublikadan qidirib yurgandan ko‘ra, tezkorlik bilan topib, munosabatini bildirishini qayd etdi.
Izoh (0)