Ijtimoiy tarmoqda Namangan viloyatida bir qancha transport vositalarining haydovchilari to‘y marosimida guruh-guruh bo‘lib harakatlanib, boshqa harakat qatnashchilarining erkin va xavfsiz harakatiga to‘sqinlik qilgani aks etgan video tarqaldi. Bu haqda Ichki ishlar vazirligi xabar qildi.

Qayd etilishicha, video Namangan viloyati Yo‘l harakati xavfsizligi boshqarmasi xodimlari tomonidan o‘rganilgan. Natijada holat 17-iyul kuni Namangan shahar hududidan o‘tgan 4R-112 Farg‘ona halqa yo‘li avtomobil yo‘lining 75—80 kilometrlari oralig‘ida Lola—Davlatobod tumani yo‘nalishida fuqaro S.M.ning to‘y marosimi vaqtida sodir etilgani aniqlangan. Qoidabuzarlar quyidagi mashinalar haydovchilari bo‘lgan:

• Mercedes-Benz 50Z505QA davlat raqam belgili;
• Mercedes-Benz 50Z222NA davlat raqam belgili;
• Mercedes-Benz 50R111NA davlat raqam belgili;
• Mercedes-Benz 50P500QA davlat raqam belgili;
• Damas 50643GBA davlat raqam belgili.

Ularga nisbatan Ma’muriy javobgarlik to‘g‘risidagi kodeksning 129-moddasi (transport vositalari haydovchilarining yo‘l harakati xavfsizligiga tahdid soluvchi guruh bo‘lib harakat qilishda qatnashishi) 1-qismi tartibda ma’muriy bayonnoma rasmiylashtirilgan.

Shuningdek, Lacetti avtomobil haydovchisi A.A.ga (2003-yilda tug‘ilgan) nisbatan Ma’muriy javobgarlik to‘g‘risidagi kodeksning 127-moddasi (transport vositalarining tovush chiqaruvchi, yorituvchi va boshqa qurilmalaridan foydalanish, ularni o‘rnatish qoidalarini buzish) 2-qism, 128-5-moddasi (transport vositalari haydovchilarining xalaqit berishi yoki avariya holatini yuzaga keltirishi, yo‘lning qarama-qarshi harakatlanish uchun mo‘ljallangan tomoniga yoki bo‘lagiga chiqishi) 2-qism hamda 129-moddasi 1-qism tartibida ma’muriy bayonnoma rasmiylashtirilgan.