Ijtimoiy tarmoqlarda 10-iyul kuni Xorazm viloyati Hazorasp tumani markazida bir guruh haydovchilar tomonidan poyda uyushtirilgani haqida videolavha tarqaldi. Viloyat Ichki ishlar boshqarmasi holatga munosabat bildirdi.
Qayd etilishicha, poygada qatnashgan uch nafar haydovchining shaxsi aniqlanib, tegishli tartibda chora ko‘rilgan. Jumladan, Lacetti avtomashinasi haydovchisiga tegishli hujjatlarsiz, svetoforning qizil chirog‘iga to‘xtamay harakatlangani uchun Ma’muriy javobgarlik to‘g‘risidagi kodeksning 135-moddasi 128-4-moddasi 2-qismi bilan ma’muriy bayonnoma rasmiylashtirilgan.
Shuningdek, davlat raqami belgisisiz, qizil chiroqda harakatlangan Cobalt mashinasi haydovchisi shu kodeksning 125-moddasi 5-qismi va 128-4-moddasi 2-qismi bilan javobgarlikka tortilgan.
Yana bir Cobalt avtomashinasi ham transport vositasiga ruxsat etilmagan yorituvchi qurilmalar bilan, qizil chiroqqa to‘xtamay harakatlangani uchun shu kodeksning 127-moddasi 1-qismi va 128-4-moddasi 2-qismi bilan ma’muriy bayonnoma rasmiylashtirilgan.
Uchala avtomashina ham vaqtincha ushlab turish uchun jarima maydoniga joylashtirilgan.
Izoh (0)