Bugun,

  • USD 10940.05
  • RUB 182.26
  • EUR 11121.65

Ijtimoiy tarmoqlarda Qoraqalpog‘istonning Nukus shahrida nikoh to‘yi marosimida guruh bo‘lib harakatlangan Lacetti mashinalari bir-biri bilan yo‘l talashib, qo‘pol qoidabuzarlik sodir etgani haqida xabarlar tarqaldi. Yo‘l harakati xavfsizligi xizmati haydovchilarga nisbatan tegishli chora ko‘rilganini ma’lum qildi.

Foto: Yo‘l harakati xavfsizligi xizmati

Foto: Yo‘l harakati xavfsizligi xizmati

Qayd etilishicha, holat yuzasidan surishtiruv olib borilgan. Natijada Nukus shahri Rejissyorlar ko‘chasida yashovchi fuqaro A.J. va Chimboy tumani Paraxatshilik ko‘chasida yashovchi fuqaro B.R. o‘zlariga tegishli bo‘lgan Lacetti avtomashinalarida to‘y kortejida guruh bo‘lib harakatlangani aniqlangan. Ular Nukus shahri P.Seytov ko‘chasida qo‘pol qoidabuzarlik qilib, bir-biri bilan yo‘l talashib, to‘qnashib ketgan.

Holat yuzasidan har ikkala avtomashina haydovchilariga nisbatan Ma’muriy javobgarlik to‘g‘risidagi kodeksining 129-moddasi (transport vositalari haydovchilarining yo‘l harakati xavfsizligiga tahdid soluvchi guruh bo‘lib harakat qilishda qatnashishi) bilan bayonnoma rasmiylashtirilgan. Mashinalar vaqtinchalik saqlash uchun jarima maydoniga qo‘yilgan.

Bundan avval Samarqandda to‘y kortejidagi “Jiguli”lar drift qilib, keskin harakatlangani, Surxondaryoda bitiruv kuni akasining Lacetti’sini haydab yurgan maktab o‘quvchisi ushlangani haqida xabar berilgan.

Izoh
Asosiy yangiliklar
Mahalliy
“Afg‘oniston iqtisodiyotini tiklash xalqaro hamjamiyatning umumiy ustuvor yo‘nalishi bo‘lishi kerak” — Vladimir Norov
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
Foto: Dubay—Namangan—Dubay yo‘nalishida muntazam aviaqatnovlar yo‘lga qo‘yildi