Ижтимоий тармоқда Наманган вилоятида бир қанча транспорт воситаларининг ҳайдовчилари тўй маросимида гуруҳ-гуруҳ бўлиб ҳаракатланиб, бошқа ҳаракат қатнашчиларининг эркин ва хавфсиз ҳаракатига тўсқинлик қилгани акс этган видео тарқалди. Бу ҳақда Ички ишлар вазирлиги хабар қилди.
Қайд этилишича, видео Наманган вилояти Йўл ҳаракати хавфсизлиги бошқармаси ходимлари томонидан ўрганилган. Натижада ҳолат 17 июль куни Наманган шаҳар ҳудудидан ўтган 4Р-112 Фарғона ҳалқа йўли автомобиль йўлининг 75—80 километрлари оралиғида Лола—Давлатобод тумани йўналишида фуқаро С.М.нинг тўй маросими вақтида содир этилгани аниқланган. Қоидабузарлар қуйидаги машиналар ҳайдовчилари бўлган:
- Mercedes-Benz 50Z505QА давлат рақам белгили;
- Mercedes-Benz 50Z222NА давлат рақам белгили;
- Mercedes-Benz 50R111NА давлат рақам белгили;
- Mercedes-Benz 50P500QА давлат рақам белгили;
- Damas 50643GBА давлат рақам белгили.
Шунингдек, Lacetti автомобиль ҳайдовчиси А.А.га (2003 йилда туғилган) нисбатан Маъмурий жавобгарлик тўғрисидаги кодекснинг 127-моддаси (транспорт воситаларининг товуш чиқарувчи, ёритувчи ва бошқа қурилмаларидан фойдаланиш, уларни ўрнатиш қоидаларини бузиш) 2-қисм, 128-5-моддаси (транспорт воситалари ҳайдовчиларининг халақит бериши ёки авария ҳолатини юзага келтириши, йўлнинг қарама-қарши ҳаракатланиш учун мўлжалланган томонига ёки бўлагига чиқиши) 2-қисм ҳамда 129-моддаси 1-қисм тартибида маъмурий баённома расмийлаштирилган.
Изоҳ (0)