Farg‘ona davlat universitetiga o‘qishga kiritib qo‘ymoqchi bo‘lgan shaxslar ushlandi, deb xabar bermoqda Davlat xavfsizlik xizmati.
Qayd etilishicha, DXX Farg‘ona viloyati bo‘yicha boshqarmasi va Iqtisodiy jinoyatlarga qarshi kurashish departamentining hududiy boshqarmasi xodimlari tomonidan tezkor tadbirlar o‘tkazilgan. Jumladan, Rishton tumani xalq ta’limi bo‘limi xodimi o‘zining tanishi bo‘lgan ayol bilan til biriktirib, yuqori lavozimda ishlovchi tanishlari orqali 2 nafar fuqaroni Farg‘ona davlat universitetining maktabgacha va boshlang‘ich ta’lim hamda huquqshunoslik fakultetlariga o‘qishga kiritib qo‘ymoqchi bo‘lgani aniqlangan. Ular xizmati evaziga 18 ming dollar olgan vaqtlarida ashyoviy dalillar bilan ushlangan.
Boshqa bir holatda esa Farg‘ona davlat universitetining harbiy ta’lim fakulteti dekani o‘rinbosari 4 nafar abituriyentni ushbu fakultetga o‘qishga kirishlarida amaliy imtihonlardan o‘tkazib berishni va’da qilgan. U buning evaziga har bir uchun 5,1 million so‘mdan talab qilib, jami 20,4 million so‘m olgan vaqtida qo‘lga olingan.
Har ikki holat yuzasidan Jinoyat kodeksining tegishli moddalari bilan bilan jinoyat ishlari qo‘zg‘atilgan. Hozirda tergov harakatlari olib borilmoqda.
Mavzuga doir:
Izoh (0)