Andijon viloyati Buloqboshi tumanida noqonuniy diniy ta’lim berish bilan shug‘ullanib kelgan fuqaro qo‘lga olindi. Bu haqda viloyat Ichki ishlar boshqarmasi xabar qildi.

Qayd etilishicha, viloyati IIB terrorizm va ekstremizmga qarshi kurashish boshqarmasi hamda boshqa huquqni muhofaza qiluvchi organlar tomonidan tezkor tadbir o‘tkazilgan. Jarayon davomida Buloqboshi tumani fuqarosi A.I yashash xonadonida diniy bilimga va tegishli ruxsatnomaga ega bo‘lmagani aniqlangan. Fuqaro 500 ming so‘m pul mablag‘lar evaziga 2020-yildan buyon Qur’oni karim va Muallimi Soniy kitoblaridan jami 27 nafar O‘zbekiston va Qirg‘iziston Respublikasida yashovchi voyaga yetmagan bolalarga diniy ta’limdan saboq berib kelayotgani aniqlangan.

Shuningdek, olib borilgan tezkor surishtiruv tadbirlari davomida A.I. diniy ta’limdan saboq berishi jarayonida voyaga yetmagan bolalarni urib tan jarohati yetkazganlik holati aniqlangan. Mazkur holatga asosan hozirda tergovga qadar surishtiruv tadbirlari olib borilmoqda.