Фарғона давлат университетига ўқишга киритиб қўймоқчи бўлган шахслар ушланди, деб хабар бермоқда Давлат хавфсизлик хизмати.
Қайд этилишича, ДХХ Фарғона вилояти бўйича бошқармаси ва Иқтисодий жиноятларга қарши курашиш департаментининг ҳудудий бошқармаси ходимлари томонидан тезкор тадбирлар ўтказилган. Жумладан, Риштон тумани халқ таълими бўлими ходими ўзининг таниши бўлган аёл билан тил бириктириб, юқори лавозимда ишловчи танишлари орқали 2 нафар фуқарони Фарғона давлат университетининг мактабгача ва бошланғич таълим ҳамда ҳуқуқшунослик факультетларига ўқишга киритиб қўймоқчи бўлгани аниқланган. Улар хизмати эвазига 18 минг доллар олган вақтларида ашёвий далиллар билан ушланган.
Бошқа бир ҳолатда эса Фарғона давлат университетининг ҳарбий таълим факультети декани ўринбосари 4 нафар абитуриентни ушбу факультетга ўқишга киришларида амалий имтиҳонлардан ўтказиб беришни ваъда қилган. У бунинг эвазига ҳар бир учун 5,1 миллион сўмдан талаб қилиб, жами 20,4 миллион сўм олган вақтида қўлга олинган.
Ҳар икки ҳолат юзасидан Жиноят кодексининг тегишли моддалари билан билан жиноят ишлари қўзғатилган. Ҳозирда тергов ҳаракатлари олиб борилмоқда.
Изоҳ (0)