Latviya Saymi (parlament) “Energetika tog‘risida”gi qonunga 2023-yil 1-yanvardan boshlab Rossiyadan tabiiy gaz importini taqiqlovchi tuzatishlarni uchinchi o‘qishda qabul qildi.
Hujjatda mamlakatda strategik gaz zaxiralarini yaratish ham nazarda tutilgan. Har yili 1-oktabrdan 30-aprelgacha gaz iste’molini ta’minlash uchun zaxiralar 31-avgustdan kechiktirmay Inchukaln yerosti gaz omborida to‘planishi kerak.
Latviya hukumati Rossiyaning Ukrainaga bostirib kirishiga javoban Rossiya gazidan bosqichma-bosqich voz kechishni boshlagan.
1-apreldan boshlab Rossiya hukumati “do‘st bo‘lmagan davlatlar”, jumladan, Yevropa Ittifoqining barcha davlatlariga gaz yetkazib berish uchun to‘lovlarni Rossiya rublida amalga oshirishni talab qilmoqda, aks holda gaz eksporti to‘xtatiladi. Polsha, Bolgariya, Finlyandiya va Niderlandiya allaqachon Moskvaning bu shartlarini rad etgan.
Avval Fransiya hukumati Rossiya gazidan butunlay voz kechishga tayyorlanayotgani haqida xabar berilgandi.
Izoh (0)